HELLO?! Are you still there?

yes sir
i'm
still THERE

Thank you for calling! You have a nice ass!

tres

I.

Dahil wala namang mainam na gagawin sa bahay at di rin naman makakapag-relax ng maayos kung sakali, minabuti ko nang 'di umuwi sa Bulacan nitong nakaraang Mahal na Araw. Hindi ako gumimik o nakipag-inuman o nagliwaliw dito sa Maynila, ang totoo niyan inubos ko lang ang oras sa trabaho. Ipinasok ko pa rin ng trabaho ang dalawang rest days ko--oo sumagot pa rin ako nang sumagot ng tawag. Ayus naman hindi naman sa bago sa akin ang ginawa ko, pare-pareho lang naman. Yun nga lang first time kong hindi nag-rest day.

Pero higit pa dun, ang gusto ko lang talaga sigurong i-kwento na natutunan kong kaya ko rin palang mag-isa talaga. Na ngayon ko lang ito natutunan kahit na mag-iisang taon na ako dito sa Maynila. Na sa loob ng isang taon ay lagi pa rin akong nakakapit sa mga taga-Bulacan at kahit na ganun pa rin ako ay alam kong paminsan-minsan kakayanin ko naman palang bumitaw paar maglakad ng mag-isa.

II.

Isa pang pagbitaw.

Hindi ko alam kung kailan nagsimulang mangayari, kung kelan ako nagsimulang makatanggap ng mga text message na tulad ng

"mahal kita. kahit na madalas ay di ka naniniwala at di mo nakikita, ikaw ang buhay ko."

Hindi ko rin na rin natatandaan kung kelan nag-umpisang dumulas sa akin ang mga katagang nakakahiya ang pagka-mushy kaya hindi ko na ilalagay pa rito. Subalit nitong mga nakaraang araw hindi na ako masustinehan ng mga salitang gaano man katotoo at gaano man kasarap pakingan ay mga salita lamang.

SInubukan ko na ring ihinga ang problemang 'to sa isang kaibigan at tulad ng ipinayo na sa mga nauna na sa akin sa problemang meron ako ngayon, pinayuhan niya akong maging honest lamang, na panatilihing bukas ang linya ng komunikasyon. Pero paano kung wala naman talagang naging harang sa linyang yun? Sinabi ko sa kanya, Salamat, pero minsan hindi rin sapat ang maging honest.

<freeze!> Habang itinatype ito may message mula sa kanya, "isipin mo rin, intindihin mo rin naman ako. hindi ako nagagalit sa 'yo kahit nagagalit ka sa akin... <unfreeze>

Sa ngayon hindi ko pa alam kung anong iisipin o kung saan ko uumpisahan ang pag-iisip. Nawawalan na rin ako ng mga salita para sa kanya. Siguro, putangina ayokong mag-drama pero... Ito na yata yung kinatatakutan ko.

III.

<...>

habang iniisip ko kung paano gawing kwento ang kawalang kwento/a

...maglagay muna tayo ng mga palabok.


palabok 1

You scored as Storm. Storm is the seconday team leader of the X-Men. She has a peaceful personality but must be careful since her emotions control her powers. She loves gardening and is afaid of tight spaces. Powers: Control of the Weather Storm 85% Rogue 80% Jean Grey 75% Wolverine 70% Emma Frost 70% Beast 60% Iceman 60% Colossus 55% Gambit 55% Cyclops 40% Nightcrawler 35% Most Comprehensive X-Men Personality Quiz 2.0 created with QuizFarm.com

Dati iniisip ko ako si Gambit o kaya si Jubilee, o kaya si Rogue e. At least hindi si Cyclops o si Jean Grey di ba? hEhe.




palabok number 2


bk,
Ewan kung maniniwala ka pero totoo 'to.


Ready for a Fall
PJ Olsson


You sit there in my shadows
And you call it your relief
Don't be the one with bad eyes for
The things that I could see
(Don't give me that)

The darkness has no armor
Need protection from the air
High hopes through time passing
When I see I want you there


I can't believe
You're the one for me
If it was this easy to find you
I should be ready for a fall
I should be ready for a fall


Now my wonders rally
Around the person I once was
Like a bird that I've been helping
Hope you're healed and strong
You never know when you might have to fly


Where will you go after me
Where will you go after I set you free
And I don't know you from a page in my book
Though I should
Though I should


Where will you go after me
Where will you go after I set you free
And I don't know you from a page in my book
Though I should




palabok number 3


Ewan kung may ibig sabihin ito, nakikiuso lang naman ako:





What does your handwriting say about YOU?

Dear Flux (hindi personal ito)

Kamusta ka naman kaibigan?

 

Naalala ko lang, yung pagkikita natin kanina sa main lobby ang pinaka-una nating pagkikita uli simula nung bisperas nung huling chrismas party. Different ka na ngayon. Pero salamat sa text nung isang gabi.

 

Pero di naman talaga yun ang dahilan kung bakit ako sumulat sa iyo ngayon, pumapasakalye lang. Alam mo kasi nabasa ko lang yung blog mo kanian, nabasa kong nagagalit ka. Pero sino ba naman ang hindi? Pakshet na gobyerno kasi yan, lalo na yung pandak na praningger-z sa Malakanyang! Naku, hindi nga pala yon nag dahilan ng galit mo, nagagalit ka kasi dahil sa mga nagrarali diyan sa Ayala. E bakit? Naalala ko tuloy nung magkasama pa tayo ng account dati, magsisingit tayo ng mga maliliit na diskusyon tungkol sa mga bagay na ito sa pagitan ng pagbebenta ng satellite dishes with terk kit and s- video cables at kahit kelan di tayo nagkaayon ng tingin sa mga bagay. Tulad ngayon.

 

Alam mo ba, nung isang linggo muntik na akong mababaan ng warning dahil late ako ng higit sa 45 minutes dahil sa rali sa may Paseo? Pero di ko inintindi yon. Inisip kong higit na mahirap ang ginagawa ng mga nakatayo dun, na karamiha'y mga babae at may hawak na bandera. Inisip ko di hamak namang mas mahirap ang ma-harass ng mga malalaking militar. Kung ganon ang sitwasyon, dagdagan mo pa ng PANGULO , maliit at praning na pangulong kaibigan ni Garci, ano pa nga ba naman ang gagawain mo? Pero sabi mo naman hindi sila pakikinggan ng DIyos. Saan pa tayo tatawag kung pati Diyos ay 'di na nakikinig? Saan na lamang tayo pupulutin kung ang Diyos ay di na rin nakikialam o pumapanig na lang sa kung saan convenient. Hindi chong, may balls si Lord. May puso di Siya. At naroon din Siya nagmamartsa, hinaharass, pinapanood natin. Hayaan mo ipagdarasal kita.

 

P.S. (eto lang ang personal dito)

Email mo naman ako minsan, miss ko na ang fashionista ng DR! God Bless c:

sticky note sa sarili sa panahon ng state of emergency

Bullet! Naku, pakyu ka talaga, kaya ka natatanggal sa links ng mga tao e, wala na ngang kwenta' ng mag-post mo ubod pa ng dalang! Hay naku, ano bang pinaggagagawa mo? Di mo ba alam na habang nakatanga ka diyan, o natutulog, o naglilibot sa Glorietta (naghahanap ng sapatos na mura pero pwede mong ipagyabang), habang nag-aayos ka ng application mo para ma-promote naman sa trabaho ay pwedeng isinusulat mo ang martsa ng mga raliyista sa EDSA? Isusulat mo na lang ha, hindi ka na sasama.

Teka bakit nga ba hindi ka sumama sa mga martsa dun? Hindi ka na ba apektado? O natatakot ka lang talaga? O masyado ka nang nakonsumo ng burgis na pamumuhay sa paligid mo. Congrats naman kung ganun, ang po-problemahin mo na lang ngayon ay kung sino na ang natanggal sa Starstruck o kung may bagong labas na bang Havaiannas, o kung paano ka makakaiskor nga iPod! Sosyal kang puta! Congrats sa iyo kung ganun. Bukas lang magtatatarang ka na rin pag di nasayaran ng Starbucks ang lalamunan mo. Congrats sa iyo kung ganun.

Sa may Ayala ka pa man din nagtatrabaho. Sa labas ng building nyo sumisigaw ang mga tao, pilit iginigiit ang agarang pagpapalit sa babaeng maliit. Wag mong sabihin sa aking nakikisama ka na lang sa mga ka-trabaho sa kwentuhan, parang nariirnig-rinig ko na, "Like, duh! Chong the people outside are so baho! Why dont they just go back home ba ? Nakaka-traffic lang, so nakakainis! I wasnt able to go to Greenbelt tuloy kanina. Tsaka, what do they want ba?"

Hindi naman... hi- hindi nga, hindi ko naman sinasabing yun lang ang paraan. Pero mas mainam yun kesa ganyan lang, nanood ka. Akala mo palabas lang lahat 'to? Hay, pakyu ka talaga.

 

seeing red

Madugo-dugo ito.

Mamaya, pagkatapos ng shift ko didiretso ako ng Bulacan State University para makipag-usap sa "Director for Student Publications" na responsable para sa... uhm... kwan... ano, ewan, basta. Itago nalang muna natin siya sa pangalang Romulo Something dahil hindi ko alam ang totoo niyang pangalan. Kunsabagay, wala naman akong masyadong alam sa kanya pwera sa tsismis ilang tsismis. E hindi naman ako tsismoso. Hindi masyado. Basta ang alam ko lang simula nang umupo siya sa posisyong yun ay naganap ang unang pagharang sa paglabas ng diyaryo namin.

Shiyet.

Di ako napahinga nang dalawang linggong nakaraan kauuwi ng Bulacan araw-araw para lang matapos ang kauna-unahang (nagpapaka-)literary folio ng student publication ng College of Education dun. Matapso ang ilang mababahong araw na walang liguan, ni toothbrush, maghapon naitae naman namin yung aklat.

Lunes nang natapos ang paglilimbag at i-deliver ang (nagpapaka-)folio pero hindi muna siya nailabas dahil maarming inaayos sa pub. Kahapon, matapos ang mahaba-habang pag-aantay at hirap, nailabas din naman ang aklat at naipamigay na sa mga estudyante. Wala pa naman akong balit masyado sa reader responses(o readers' response?) ang nabalitaan ko lang ay ang reaksyon ni Romulo Something.

Bandang ala-una kaninang nagising ako sa tunog ng telepono ko. Bagong number. Hindi ko naman kung sino kaya medyo masungit-sungit pa ang sagot ko. Kasama ko pala sa school, pumunta daw sa office ng dyaryo si Something umaapoy sa galit ang di pantay-pantay na  bigote. Nagagalit daw dahil sa ilang salitang ginamit tulad ng fuck at bitch na ginamit sa ilang akda sa kalipunang yon. Hay prude! Prude, sobra! Ikinagagalit din daw ang pagtawag ko sa mga dating kasama sa ipinasarang Peys(nasa baba ang istorya.) Kailangan ko raw magpaliwanag. Alam ko kung paano ipaglalaban ang mga salitang yun ang problema'y kung tatanggapin nila yun. Ganyan sa amin, sa Bulacan State University. Idinidikta ng iilan ang tama at mali.

Tingnan niyo 'to o.

Bulacan State University silences student paper

Manila Times
Dino Balaho
August 8, 2005
pg A6


Malolos City: The Bulacan State University temporarily padlocked the office of the official student publication last week after a series of lampoons on two key university officials.

The 33-year old Pacesetter is published every semester and costs students P20 upon enrollment. Its temporarily shutdown drew howls from staff members, saying it is an attack on press freedom.
Sheena Dela Cruz and Rose Ann Santiago, editor-in-chief and managing editor, respectively, told the Manila Times that the closure is unjustifiable.
They said that they received on August a cease and desist order from Dr Rosario Pimentel directing them to stop "operating as alleged officer and members of the editorial staff of the Pacesetter." Shortly thereafter, authorities padlocked the publication's editorial office.
In his one-page order, Pimentel said the editorial staff "organized themselves without any sanction from the university" and have "used the Pacesetter as a vehicle in attacking maliciously the good image of the university and its responsible officers."

University officialsas well as the latest edition of the Pacesetter, dated April but released late in June, confirmed the statement.

The lampoon edition morphed the faces of Pimentel and Rolando Gaspar the vice President on student affairs, into the body of Hollywood actors Will Smith and Martin Lawrence, respectively, in a full-color front page resembling the poster of movie Bad Boys II.

A brief description on the 2nd page read, "An aspiring lawyer, and an overstaying president teamed up to pursue one thing... make your life a living nightmare."
It further read, "From the creators of the student handbook, development fee, compulsory tickets, faculty union conspiracy, 10-percent tuition fee increases, no SG elections, and other anti-student policies, comes this electrifying action film you've never seen before."

During the induction ceremonies of the new officers of the University's alumni association, Pimentel said, "they outshine the Hollywood," in reference to their bad Boys II parody on the Pacesetter's front page.

The back page showed another movie parody. It featured Dr. Felicidad villavicencio, the subject of the controversy since 2004, with the headline "The Impeachables," which spoofed the movie The Incredibles.

In an interview, gaspar told The Manila Times that they are not shutting down the publication, but are revamping the editorial staff. A former managing editor of the Pacesetter in the 1970s, gaspar said the paper has evolved from a development-oriented campus publication into an ideological instrument and has lost one of the primary tenets of journalism - the balanced presentation of news.

Dr. Danilo Hilario, the University's presidential assistant on external and International affairs and teh first editor in chief of the Pacesetter during its birth in late 1973, agreed with Gaspar He said the publication became an activists' vehicle in the late 90s.

Balanced daw o!

 

Ilang buwan matapos ang pagpapasara, muling binuksan ang Pace kasabay ng pag-upo ni Romulo Something bilang direktor. Kasalukuyang magkasalo ang dalang nabanggit sa isang opisina. Sa ngayon, nakakailang palit na ng patnugot ang nasabing publikasyon kasunod sa kontrobersyal na pagkakapili sa unang hanay ng patnugutan na nakapagtatakang kinabibilangan ng anak ni Dr. Felicidad Villavicencio na nasa unang taon pa lamang ng Kolehiyo. Tumatayong kapatnugot ngayon si Icko Villavicencio kahit na nasa unang antas pa lamang ng Kolehiyo taliwas sa itinakda ng Saling Batas ng Pacesetter. Alam ni Romulo Something yan. Dapat. At magkasama pa sila ng opisina.

 

Isipin mo na lang.

 

Di mo kaya no?

 

Ganyan talaga sa amin, sa Bulacan State University, ang tama at ang katotohanan ay idinidikta lamang ng iilan.

The Lion, The Witch and the Eeeeval Oompaloompa

Sandali, sandali, pupwesto lang ako. O, ayan, ok na.


Wag mo nang basahin ito. Seryoso. Maligo ka na, magpabango, i-silent ang cellphone mo(patayin kung kinakailangan) at sumakay ng sasakyan papunta sa sinehan(o sa suking pirated DVD dealer mo, kung sa'n ka masaya.) Gawin mo na lahat, wag mo lang hayaang 'di mo mapanood ang Chronicles of Narnia: The Lion, The Witch and the Wardrobe. O ano? Alis na bilis!


Nandito ka pa rin? Sige na nga magkwento na lang ako. Kahit alam niyang magagalit si Edu Manzano, nag-uwi ng DVD ng Narnia yung kasama ko sa bahay. E nung isang araw maaga na naman akong nagising at dahil nakatira ako sa mapayapang lugar sa gilid ng mabunying Forbes Park, kung saan halos laging tahimik pag tanghali, isinalang ko ang nakakalat na DiBiDi.


Nag-aalangan ap ako nung una kung ano, lam mo yun, yung tipong, kaya ba akong dalhin ng pelikula sa Nyarnya(cute no?,a akin cute, sa iyo ba cute? dapat cute! hAha!) Kung, alam mo yun, hindi ko ba maiisip ang The Lord of the Rings Trilogy--pelikulang kung 'di ginawa ni Peter Jackson ay malaking kawalan para sa akin.


Yung mga ganitong pelikula yung tipong nagpapasabi sa akin ng "Shet! Sanan mas marami akong alam tungkol sa pelikula para may masabi man lang akong (tunog) matalino tungkol sa mga aspetong teknikal ng pelikula. Yung tipong "Mas mainam kung ginamitan ng direktor ng ganitong technique ang paghawak sa mga eksenang...." o kaya "Para kang nanood ng umiiyak na singkamas pag nakita mo ang akting ng si ganitong artista..." yung mga ganung tipo. Kaso ang kaya ko lang sabihin ay yung mga walang kakwenta-kwentang bagay tulad ng "Shet! Bakit ampupula ng labi ng magkakapatid na yan? Pareho ba sila ng casting director ng Smallville?" AT! Totoo, may evil oompaloompa at chauffeur siya ng Ice Queen!


Siguro kung may isang bagay lang na hinanp ko ay yung papel ng Narnia bilangkarakter dun sa pelikula di lang basta lugar. Gusto ko malaman ko kung saan ang papunta sa iba't-ibang lugar sa Narnia. Malikot kasi ako, hindi ko kayang nasa isang lugar lang.


Napakababaw kung ikukumpara ang Narnia sa LOTR, dahil pambata ang nauna samantalang mas mapaghanap sa manonood ang LOTR, mas humihingi ng pag-iisip. Nakaktuwa din na kahit mahusay ang visual effects ng pelikula hindi ito masyadong nanghihingi ng atensyon, hindi rin masyadong umuubos ng ilang segudo para lang ikutan ang landscape ng paligid. Teka, sa New Zealand din ba 'to? Basta, ang pinakmahalaga nun, naniwala akong may Narnia, na may Mr. Tomnus dahil totoong-totoo ang lakad nya, gusto kong makipagkaibigan sa mga Leon, gusto ko ng beavers(o, yang isip mo!) Sobrang suspension of disbelief! Sobra! Kung dati gusto kong maging Elf mula sa Mirkwood Forest, ngayon, gusto kong maging Griffin mula sa, doon sa kung saan man siya galing sa Narnia. Gusto ko ring lumaban sa malaking sigwa sa pagitan ng Ice Queeen at nila Aslan. Ang galing nun! Alam na alam mo kung saang parte ng battlefield ka nakatayo habang pinapanood ang laban.


Sabi ko sa 'yo panoorin mo na e, ikaw lang, ayaw mong makinig, nagdusa ka pa tuloy. Wala namang nangyari, dumighay lang naman ako uli. Ikaw kasi "Why cant you just do what you're told?"*

Take this quiz at QuizGalaxy.com

P.S.
Nabanggit na rin lang si Peter Jackson, panoorin nyo nga pala ang bio pic ko, siya ang nagdirek! Taena, walang sinabi ang Enteng Kabisote dito!

*yun yung paborito kong linya sa pelikula, sinabi ni Peter kay Edmund.

bagong taon ang panahon ng paghahanap

1.
Usapan
Yolando Jamendang

Ang sabi ko:

Kng d man kundman ang kllbsn ng pkkpaglbn, kkyanin kya nting klasgin ang kkrmpot n klgyhn? Kktwa ang klgyan ng ating ktwan at pgkkkilan2. Kkausapn kta, kkibganin, kklamyin ang klooban kpag khrap ang kpighatian. Kkbo kb o kklabutan kng kklatisin kta?

Ang sabi niya:

K

2.

Kanina ba naman maaga akong nagising, mali pala, ganito pala ang kwento ko. Hindi nyo na dapat malaman pero ikukwento ko pa rin na mula Sabado hanggang Miyerkules ang pasok ko ay 8:30 ng gabi pwera na lang twing Linggo kung kelan 7pm ang pasok ko. At mabagal akong mag-ayos para sa trabaho, at may kalayuan ang kainan sa apartment na tinitirhan ko, at kailangan ko ng dalawang oras para mag-ayos para 'di ako mahuli sa trabaho. Aba'y linggo ngayon! Nung naalimpungatan ako kanina tiningnan ko ang oras sa cellphone ko, aba'y potangshet! Alas singko na! Super bangon naman ako at diretso agad sa malapit na karihan. Weird, sa may sala ng bahay parang kagigising lang ng mga tao na kadalasan namang di natutulog ng tanghali. " O Bullet ligo ka na agad?" sabi pa sa akin nung isa nung magawi ako sa may banyo. Weird sa daan, walang mga tambay. Weird, tatlo lang din kaming kumakain nun sa karihan at wala pa yung mga usual kong kasabay. Pero kari lang, kesa mahuli sa trabaho, bago pa naman ang supervisor ko ngayon, syempre kelangna pa-good shot! hehe. Ayun kain marino naman ako tapos bumalik agad sa apartment para maligo na. Kamukat-mukat ko'y Daisy Siete ang palabas sa sala! Aba'y potangshet! Ngayon ko lang naalala, in-advance ko nga pala ng dalawang oras yung orasan ng phone ko! Potangshet!


3.
My Suka Romance

Fuck!

nasusuka ako

nagugutom ako 
                nasusuka

           ba

                     ako

     sa gutom?

kung gayon

    kung isuka ko ba

ang gutom

ay mawawala ito?

                  (ang suka, di

                  ang gutom)

o patuloy kong
daramdamin
ang
                  wala
sa akin?

4.
Ayun! Nung Sabado bago ako lumuwas uli dito sa Maynila, nakapanood ako ng Startalk. siyempre walang kakwenta-kwentang mga minuto na naman iyon ng kababawan at kawalang-galang sa buhay ng ibang tao. Pero pinanood ko pa rin! hehe. Matagal ko na kasing 'di nagagawa yun e. Kaso di ko naman natapos yung palabas dahil male-late na ako (lagi talagang yun ang dahilan ko no? hAha!) Bago ako umalis nakita ko pa si Mother Lily at si Anabelle Rama pati si, anong pangalan ng direktor na yun? Yung nanalong Best Director nung isang taon? Ayun, si Joel Lamangan, nandun din sya, nakita ko nagmamarakulyo silang lahat. Si Mother Lily galit sa kung kaninong shet, si Joel lamangan, galit din kaso lang 'di ko alam kung bakit, lagi iakong walang maintindihan pag nagsasalita yun. Eto ang malupet! Si Anabelle nagagalit kay Mother Lily dahil daw sa minani-obra nito ang 'di pagkakapanalo ng Mulawin the Movie ng kahit na isang award man lang. "Ito ang pinakamaduming awards, hindi ko alam kung bakit." sabi ni Anabelle sa reporter! AT talagang disappointed sya! Ngayon nya lang nalaman na ito ang pinakamaruming awards sa lahat ilang taon pagkatapos ng " take-it! take-it episodes" ng anak nyang si Ruffa Gutierrez! hAha!

Wala ako sa lugar para magsalita tungkol sa technicalities ng mga pelikula dun (1) wala akong napanod kahit isa dun (2) wala akong alam sa technicalities ng pelikula, ni hindi ko nga alam kung totoong salita ba ang technicality e. O kung tama ba ang pagkakagamit ko dito. Pero sa totoo lang ano pa ba naman ang pinag-aawayan nila? Sabi nga ni Nestor U. Torre: Since the MMFF has become more of a popular rather than an artistic one, why bother with who wins? Syanga naman!

Ang masaya naman sa nangyaring yon ay ganire: Dahil gusto kong malamn kung sino-sino ang nanalo ng awards, kung sino ang 'di daw dapat nanalo basta kung anu-ano pa ang nangyari dun sa filmfest na yun pumunta ako ng Google.com, itinayp ang M-M-F-F at boom! Libreng porn! Bwahaha! Mabuhay ang MMFF! Mabuhay!

5.

You Are Best Described By...

(Stamped) Lips by Andy Warhol

What Famous Work of Art Are You?

6.

Nung isang linggo pinahiram ako ng VCD ng "The Breakfast Club." Yun yung nanalo ng award sa MTV.Video Music Awards, parang generation award yata yun. Kumanta pa nga yung Yellowcard ng cover ng "Dont You Forget About Me" ng The Simple Minds bago ibigay yung award e.

Pwera sa medyo may pagka-Diyos na may lahing pusa si Judd Nelson sa Pelikulang yun, dahil nagagawa niya ang lahat, at kahit minsan ayaw mo sya mamahalin mo rin siya bandang huli. Sa minadalin ending ta ang pagiging "buo" ni Ally Sheddy dahil lang sa nilagyan siya ng make-up, ayus naman ang pelikula. Dalawang bagay na natutunan ko sa pelikulang yun:

1. sabihan ng fuck you at unawain sa loob ko ang isang kausap at ang quote na;

2. "Screws fall out all the time, the world's an imperfect
place."

Ipinapangako kong papanoorin ko uli yung pelikulang yun tulad ng ulit-ulit kong ginagawa sa The Virgin Suicides at Big Fish at One Hour Photo at sa Donnie Darko.